Икона Богородицы «МЛЕКОПИТАТЕЛЬНИЦА» описание , молитвы и акафист к ней




Икона Богородицы «МЛЕКОПИТАТЕЛЬНИЦА» 

25 января (12 января по старому стилю)
 

икона Божьей матери  «МЛЕКОПИТАТЕЛЬНИЦА»

 

Описание иконы БогоМатери Млекопитательница:


На иконе Богородицы Млекопитательница изображена Пресвятая Дева, кормящая грудью Богомладенца. По устному преданию этот образ редкой иконографии первоначально находился в лавре Саввы Освященного, расположенной в 18 верстах от Иерусалима. Святой основатель единственной на Востоке лавры при своей кончине предсказывал братии, что со временем посетит его лавру соимённый ему царственный паломник из Сербии, и что чудотворная икона Богородицы «Млекопитательница» будет дарована ему от лавры в благословение.


Предсказание святого Саввы, мирно скончавшегося в VI веке, исполнилось более чем через шесть веков. В XIII веке прибыл в Палестину святой Савва архиепископ Сербский – сын сербского государя. Памятуя о завещании святого Саввы Освященного, монахи лавры передали ему икону Богородицы «Млекопитательница», а также подарили от себя ещё одну икону Божьей Матери – «ТРОЕРУЧИЦУ».

Возвращаясь из Палестины в Сербию, святой Савва посетил на горе Афон основанный им Хилендарский монастырь. Этому монастырю он и передал в собственность икону Божией Матери «Млекопитательница», где образ находится и поныне. Замечательно, что икона Пресвятой Богородицы была поставлена святым Саввою в иконостасе не по левую сторону царских врат, как принято, а по правую, где обыкновенно ставится икона Спасителя. Образ же Господа Вседержителя он поместил по левую сторону, где обыкновенно должна стоять икона Божией Матери.

 

На иконе Пресвятой Богородицы «Млекопитательница» изображены солнце и луна с соответствующими надписями. Образ иногда встречается в зеркальном изображении и с другой символикой. Существует несколько чудотворных списков, о каждом из которых сохранились письменные и устные предания. Так, в России прославился образ, обретенный в 1650 году в селе Крестогорск недалеко от Минска.


Икона, схожая с Афонским образом, была обнаружена на высоком дереве. На месте её явления был построен храм в честь Успения Божией Матери. Икону поместили над царскими вратами и в определённые дни опускали для того, чтобы богомольцы могли к ней приложиться. Существует немало преданий об исцелении страждущих по молитвам к Пресвятой Богородицы перед Её иконой «Млекопитательница».

 

 


Пред иконой Пресвятой Богородицы «Млекопитательница» молятся при трудных родах, о кормлении младенцев Материнским молоком, при недостатке грудного молока, а так же о здоровье младенцев. 



 

Молитвы к Пресвятой Богородице перед Ея иконой, именуемой «Млекопитательница»


 

Молитва первая перед иконой Божьей Матери Млекопитательница


Приими, Госпоже Богородительнице, слезная моления рабов Твоих, к Тебе притекающих. Зрим Тя на свя­тей иконе, на руках носящую и мле­ком питающую Сына Твоего и Бога нашего, Господа Иисуса Христа. Аще и безболезненно родила еси Его, обаче матерния скорби веси и немощи сынов и дщерей человеческих зриши. Темже тепле припадающе к цельбоносному образу Твоему и умиленно сей лобызающе, молим Тя, всемило­стивая Владычице: нас, грешных, осужденных в болезнех родити и в печалех питати чада наша, милостивно пощади и сострадательно заступи, младенцы же наша, такожде и родившия их, от тяжкаго недуга и горькия скорби избави. Даруй им здравие и благомощие, да и питаемии от силы в силу возрастати будут, и питающия их исполнятся радостию и утешением, яко да и ныне предстательством Тво­им из уст младенец и ссущих Господь совершит хвалу Свою. О Мати Сына Божия! Умилосердися на Матери сынов человеческих и на немощныя люди Твоя: постигающия нас болезни скоро исцели, належащия на нас скорби и печали утоли, и не презри слез и воздыхании рабов Твоих. Услыши нас в день скорби пред иконою Твоею припадающих, и в день радости и избавления приими благодарная хваления сердец наших. Вознеси мольбы наша к престолу Сына Твоего и Бога нашего, да ми­лостив будет ко грехом и немощем нашим и пробавит милость Свою ве­дущим имя Его, яко да и мы, и чада наша, прославим Тя, милосердую За­ступницу и верную надежду рода на­шего, во веки веков. Аминь.

Молитва вторая перед иконой Божьей Матери Млекопитательница


О Пресвятая Госпоже Владычице наша Богородице, Небесная наша Царице, млеком Христа Бога нашего питавшая, и  нас недостойных и многогрешных Твоею богатою милостию питаеши. Спаси и избави нас грешных рабов Твоих от напрасныя клеветы, от всякия беды и напасти и внезапныя смерти. Помилуй нас в дневных часех, во утренних и вечерних и во всякое время сохрани нас: стоящих, сидя­щих соблюди и на всяких путех хо­дящих и в ночных часех спящих покрый и заступи. Защити нас, Влады­чице Богородице, от всех наших враг видимых и невидимых и от всякаго злаго обстояния. На всяком месте и на всякое время буди нам, Мати Преблагая, необоримая сте­на и крепкое заступление, всегда, ныне и присно, и во веки веков. Аминь.

 

 

 


 

Тропарь Пресвятой Богородице перед Ея иконой, именуемой «Млекопитательница»

 

Тропарь, глас 3


Без семене от Божественного Духа волею же Отчею, зачала еси Сына Божия. От Отца без матере прежде век суща, нас же ради из Тебе без отца бывша плотию познала еси Младенца и млеком питала еси. Темже не престай молити избавитися от скорбей душам нашим.

 

Величание


Величаем Тя, Пресвятая Дево, Млекопитательнице Спаса нашего, и чтим образ Твой святый, от негоже благодать исцеления нам присно подаеши.

 

икона Богоматери «МЛЕКОПИТАТЕЛЬНИЦА»

 


 

Акафист Пресвятой Богородице перед Ея иконой, именуемой «Млекопитательница»

 

 

Кондак 1


Избранней от дщерей человеческих Материю быти Христа Бога нашего принесем от любви нашея песни хвалебныя; Ты же Сына Божия неизреченно родившая и яко Младенца млеком питавшая, сохрани поющих Тя от  обышедших нас зол, скорбей и напастей, да зовем Ти немолчно: Радуйся, Богородице Дево, Млекопитательнице, милостию Твоею нас  присно питающая.  

 

 

Икос 1


Ангелов лицы в вертеп приникнувши и узревши тамо Деву чистую, Сына млеком питающую, возопиша Тебе, Благословенней: Радуйся, рождшая мира Творца;  радуйся, питающая Питателя вселенной. Радуйся, пеленами повивающая Повивающаго небо облаки; радуйся, дланьми носящая на Херувимех носимаго. Радуйся, яко Детищ мал всех Тобою родился еси; радуйся, яко Младенец плачущ и мирови радость дающ. Радуйся, Богородице Дево, Млекопитательнице, милостию Твоею нас присно питающая. 

 

 

Кондак 2


Видящи Святая Дева при персех Своих Богомладенца лежаща, глагола Ему: како возмогу Тя питати, Творца Моего, Емуже вся воинства небесная вопиют: Аллилуиа.

 

 

Икос 2


Разумная вся тварь недоразумевает како Дева пребываеши, Младенца млеком питаеши. Обаче неизреченному таинству сему ве­руя, благоговейно взываем: Радуйся, Дево неблазная; радуйся, Девице прекрасная. Радуйся, жен украшение; радуйся, Мати чистотствующая. Радуйся, дев правило; радуйся, Благословенная в женах. Радуйся, Богородице Дево,   Млекопитательнице, милостию Твоею нас присно питающая. 

 


Кондак 3


Сила Вышняго осени Тя, Богородице Дево, и подаде Ти кре­пость повити и питати Егоже вси концы земли величают и поют Ему песнь великую: Аллилуиа.   

 

 

Икос 3


Имея дерзновение велие к Рожденному от Тебе, призри на скорби и беды, нас обышедшия, умоли Питаемаго Тобою за ны грешныя и недостойныя да избавльшеся от лютых напастей, возглаголем Ти тако: Радуйся, Рождшая Сладчайшее Утешение наше; радуйся, произрастившая Благословеннаго благодатию. Радуйся, Мати наша Всеблагая; радуйся, чадами Твоими нас  нарекшая. Радуйся, благонадежное наше  прибежище; Радуйся, Богородице Дево, Млекопитательнице, милостию Твоею нас присно питающая.   

 


Кондак 4 


Буря скорбей и напастей обдержит ны, трепещем да не потонем в мори житейстем, но явися нам, яко голубица Ноева, ветвь надежды  подающая нам, вопиющим Богу: Аллилуиа.              

 

 

Икос 4


Слышащи жена благоразумная глаголы живота вечнаго Сы­ном Твоим вещаемыя, прослави Тя, вопия Ему: «Благословенно чрево, носившее Тя и сосца яже еси ссал», темже приими и наша немощныя похвалы сицевыя: Радуйся, бисере драгий, Всечудная Мати; радуйся, велия в женах. Радуйся, ветвь присноцветущая; радуйся, животе приемляй  Сокровище освящения. Радуйся, чаше златая, Христа —  Небесную Манну носящая; радуйся, Хлебом Жизни нас возрождающая. Радуйся, Богородице Дево, Млекопитательнице, милостию Твоею нас присно питающая.

 

 

Кондак 5


Боготечныя руце Твоя, Всепетая, простри к нам немощ­ным, воздвигни нас унылых, спаси отчаянных, да в радости душевней, ничем не смущаемей, вопием Сыну Твоему: Аллилуиа.

 

 

Икос 5


Виде Тя в Дусе богоглаголивый Исаия, яко имаши Дева сущи во чреве прияти Рожденнаго из Тебе, возгласи Ти: Радуйся, Предвечнаго рождшая; радуйся, яко Тобою с нами Бог бывает. Радуйся, пророчеств сбытие; радуйся, пророков веселие. Радуйся, всего мира чаяние; радуйся, рода нашего утешение. Радуйся, Богородице Дево, Млекопитательнице, милостию  Твоею нас присно питающая     

 

 

Кондак 6


Проповедницы присноглаголемии Твоего милосердия  суть чудеса многообразнии, источаемыя от иконы Твоея святыя,  ихже обильно нам даровала еси, да покланяющеся Тебе и Богомладенцу Христу, вопием гласы хвалебныя: Аллилуиа.

 


Икос 6


Возсия во обители Саввы Освященнаго, яко солнце светозар­ное, всечестная икона Твоя, Млекопитательнице именуемая, пред Нею же преподобный со иноки выну прославляше Тя, вопиюща: Радуйся, обители нашея пречудное украшение; радуйся, от врагов видимых и невидимых твердое заступление и защищение. Радуйся, молениям нашим присновнемлющая; радуйся, прошения наша благоутробно приемлющая. Радуйся, горестная воздыхания наша утишающая; радуйся, слезы наша отирающая. Радуйся, Богородице Дево, Млекопитательнице, милостию Твоею нас присно питающая.

 

 

Кондак 7


Хотящи преподобный Савва  отъити в жизнь вечную, пророчески рече: яко по мнозех днех  приидет во обитель сию царев сын, ему тезоименитый, сей приимет святую икону Владычицы во благословение и воспоет радуяся: Аллилуиа.

 

 

Икос 7


Новый угодник Савва, святи­тель Сербския земли, прииде во обитель древнюю и прият по словеси его святую икону и принесе ю на гору Афонскую во обитель Хиландарскую и вси насельницы ея ра­достно взываху ко Владычице мира: Радуйся, присно о нас грешных промышляющая; радуйся, николиже нас греш­ных забывающая. Радуйся, милость Твою тысячекратно во святых чудотворных иконах Твоих обновляющая; радуйся, новыя знамения щед­рот Твоих ныне изливающая. Радуйся, любящих и чтущих Тя зело возлюбившая. Радуйся, Богородице Дево, Млекопитательнице, милостию  Твоею нас присно питающая.

 

 

Кондак 8


Странное чудо и недоразумеваемое есть неверным и суемудренным како от иконы Твоея чудеса истекают, мы же многократ­ными милостями в сем утвержденныя пети Господу Богу, даровавшему таковую Помощницу роду христианскому дерзаем: Аллилуиа.

 

 

Икос 8


Весь мир видимый и невиди­мый блажит Тя, Богородице Дево, яко усердную Заступницу нашу, присно помогающую нам, в море бед и скорбей погибающим, да Тебе Единей нашей Надежде вопием: Радуйся, Сына Твоего за нас грешных умоляющая; радуйся, в бедах и обстояниих скоро помогающая, Радуйся, молений наших скорое услышание; радуйся, горестей жития наше­го верное услаждение. Радуйся, мир и упокоение серд­цам нашим дарующая; радуйся, веру нашу укрепля­ющая. Радуйся, крест жизни нашея по­нести нам помогающая. Радуйся, Богородице Дево, Млекопитательнице, милостию Твоею нас присно питающая.

 

 

Кондак 9


Всяко ублажая Тя, Всеблагая,  Иоанн Дамаскин рече, яко  удобее молчание, неже пети Тя, но любовию понуждаемии, восхваляем Тя и поем Сыну Твоему песнь  великую: Аллилуиа.

 

 

Икос 9


Витийствовати не хощем, но с любовию и слезами притекаем к Тебе, яко Матери чадо­любивей, и из глубины сердца вопием: Радуйся, Радость наша неизре­ченная; радуйся. Утешение наше неска­занное. Радуйся, домов наших ограж­дение; радуйся, чад наших покрове. Радуйся, чад наших воспитание; радуйся, юных от путей гибель­ных охранение. Радуйся, Богородице Дево, Млекопитательнице, милостию Твоею нас присно питающая.

 

 

Кондак 10


Спасти всех нас и хощеши и можеши, Пресвятая Дево, аще прибегаем ко всечестному Покро­ву Твоему, сего ради молим Тя: избави нас от горьких бед и скорбей, нашедших на ны, привлецы сердца наша к благостному прибежищу и научи вопити Богу, из Тебе  рождшемуся: Аллилуиа.

 

 

Икос 10


Стену нерушиму Тя нарицаем и вемы, яко истину глаголем, уведехом бо, яко зело любиши род христианский, милости и щедро­ты Твоя присно источаеши вопи­ющим Тебе: Радуйся, от сетей вражиих нас охраняющая; радуйся, от навета злых человек нас спасающая. Радуйся, вражду сродник наших на любовь пременяющая; радуйся, мир и тишину в домах наших сохраняющая. Радуйся, намерениям благим вспомоществующая; радуйся, советы благия на сердце полагающая. Радуйся, Богородице Дево, Млекопитательнице, милостию Твоею нас присно питающая.           

 

  

Кондак 11


Пение всякое принесоша Ти,  Пренепорочная, пророцы, предзревше безсеменное зачатие и рождение от Тебе Сына Божия;  пастырие же и волсви, видевше Тя рождшую и питавшую; и весь мир крещеный хвалит Тя. Веруем, яко до скончания века не умолк­нет песнь хвалебная от рода христианскаго Рожденному Тобою: Аллилуиа.

 

 

Икос 11


Светило светозарное Ты еси, Пречистая, нам во тьме гре­хов и страстей погибающим, про­свещающее наша темныя очи, серд­це озаряющее высшим разумом, поющее Тя: Радуйся, Путь, Истину и Жизнь рождшая; радуйся, истинному Богу нас вручающая. Радуйся, светом Евангелия наши мрачныя души озаряющая; радуйся, мудрость века сего ни во чтоже вменяющая. Радуйся, мудрость превысочайшую, яже есть любовь, в сердцах наших насаждающая; радуйся, помоще всем и во всем. Радуйся, Богородице Дево, Млекопитательнице, милостию  Твоею нас присно питающая.   

 


Кондак 12


Благодать Божия явися чудно в земли Российстей от подобия  иконы Твоея Млекопитательницы пренесенныя. Темже и гора Афонская и страна наша, ныне люте страждущая, но на милость Твою  несуменно уповающая, вопиют милосердому Богу: Аллилуиа.

 

 

Икос 12


Поюще Те яко Спаса нашего родившую и пеленами повившую и млеком питавшую, уповаем, яко ни коеже Твое прошение безответно от Него пребудет, понеже Сам Сладчайший Иисус обеща ту; тако имуще в сем твердую надежду, восхваляем Тя, Отрадо и Утешение наше:  Радуйся, лютыя скорби в радость претворяющая; радуйся, ожесточение сердец наших любовию Твоею умягчающая. Радуйся, любити Бога и ближняго нас научающая; радуйся, в скорбех наших упование на Бога возлагати наставляющая. Радуйся, наши хладныя молитвы любовию Твоею согревающая; радуйся, молитвы нас грешных и недостойных яко милостивая Матерь приемлющая. Радуйся, Богородице Дево, Млекопитательнице, милостию Твоею нас присно питающая.

 

 

Кондак 13

 

О Всехвальная Богородице  Дево, нашего Господа и Владыку млеком питавшая, не презри  сего скорбнаго моления нашего, но умоли Сына Твоего, да дарует нам грехов прощение, болезней исцеление, да сохранит нас от глада, мраза, смертоносныя язвы, нечаянныя смерти и от всех бед и обстояний, да избавльшеся сих, радуяся зовем Ему: Аллилуиа.  

 

(Этот кондак читается трижды, затем икос 1 и кондак 1)



Обновлен 12 мая 2014. Создан 22 сен 2013



 
Рейтинг@Mail.ru Яндекс.Метрика

Про Бердянск Инфо сайт для курортников

Каталог религиозных сайтов manyweb.ru